---------------
(ព្រះសីហនុ)៖ រថយន្ត CRV មួយគ្រឿង ដែលជិះនៅខាងក្នុង មាន២នាក់ប្តីប្រពន្ធ ជាជនជាតិ ជប៉ុន និងមានអ្នកបើកជាជនជាតិខ្មែរ បានបុកជាមួយរថយន្តស្ទូចនៅចំណោតលោកយាយម៉ៅ ចុះមកស្ថានីយ៍រថភ្លើង នៅសង្កាត់លេខ៣ ក្រុងព្រះសីហនុ នារសៀលថ្ងៃ១២ ខែធ្នូ ឆ្នាំ២០១៥នេះ បណ្តាលជនរងគ្រោះទាំង៣នាក់ រងរបួសយ៉ាងធ្ងន់ធ្ងរ។
ឧត្តមសេនីយ៍ ជួន ណារិន្ទ ស្នងការនគរបាល ខេត្តព្រះសីហនុ បានប្រាប់ថា ជនរងគ្រោះ២នាក់ ជាប្តីប្រពន្ធជនជាតិ ជប៉ុន និងអ្នកបើកជាជនជាតិខ្មែរនោះ ត្រូវបានកម្លាំងនគរបាលរបស់លោក ជួយអន្តរាគមន៍ ដឹកបញ្ជូនទៅកាន់មន្ទីរពេទ្យភ្លាមៗ ក្រោយកើតហេតុ។ ដោយឡែករថយន្តទាំង២គ្រឿង ត្រូវបានយកទៅរក្សាទុកដើម្បីរង់ចាំការដោះស្រាយ ខណ:អ្នកបើករថយន្តបង្កហេតុបានរត់គេចខ្លួនបាត់៕
Post a Comment
EmoticonClick to see the code!
To insert emoticon you must added at least one space before the code.